أهلا بعودتك يا زائر.


 
الرئيسيةالتسجيلدخول

شاطر | 
 

 بغـــــداد

اذهب الى الأسفل 
كاتب الموضوعرسالة
عازف الاحساس
عضو نشيط
عضو نشيط


ذكر
عدد الرسائل : 12
العمر : 28
المزاج :
البلد :
نقاط : 0
تاريخ التسجيل : 02/02/2009

مُساهمةموضوع: بغـــــداد   فبراير 2nd 2009, 14:57

شريد أحچي بعد عگب الجره والصار
ونزلت دمعـة مني انـوب مفضوحة

بچيت بـدم صـدك من شافت العين
بسيـوف الغـدر بغـداد مذبوحة

تفجيـر وقتـل والبيها كومة أيتام
واذا اعـد الأرامـل تنگلب نوحة

خمس سنين أتاني وما صفـة هالحال
شو بس العـراق ظل حاير بروحة

صدك بغداد العروبه تنگلب تكساس !!
وصدك أرض العراق تصير لأفغـاني

وصـدك ماكو حكومة التمحي هالأثار
ونـرد بصوت واحـد ميصير الك ثاني

ما اصدك يـرد وك بينه هـذا السيل
سيل اسـم العـراق وسيل بغـداني

هم شايف مجوسي يحن لأرض بغـداد ؟؟
كلي شلـون يرد والحكـم طهـراني

مكانك يا وطـن بالسرة الأول چان
شماله اسمك رجع بوسط السرة الثاني

ما بيـن الخـلاف أبين هـذا وذاك
وبين هـذا الأمريكي وذاكَ الأيـراني

و ما بين القاعـدة وبين الشريـف الزين
شفت الخـلاف كله بسبـب نفطاني

قـررت الشهـاده وغيرها لا ما اريـد
أحنـه أهل الشهاده وغيـرة مسموحة

وما اريـد الچفـن ابيض بلـون الغيم
جفنـونـي بعلمنه العـاليه وضوحـة

ودك اسـم العـراق بنقش عالتابـوب
او ودوني بوسـط بغـداد شيعـوني

وعلى كل المنـاطق والمـدن والنـاس
وعلى أمـي وأبـوية وخـوتي فروني

بعد ما كلشي يخلص وينتهي التـوديع
لتـراب النجـف لهنـاك نقلـوني

عـذراً ما گـلت بقـوني أهلي هنا
وجـوه ترابهـا لبغـداد خلـوني

لأن كاع النجف جواها ابو الحسنين
وبغيـر تـربة علي لا لا تـدفنوني
...............................
"الشاعـر أيسـر الأعسـم"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بغـــــداد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عيــــون العـــــراق :: القسم العام :: منتدى الشعر-
انتقل الى: