اجمل الابوذيات

كلبي تداين ورقه منك
لأن ماكو بجمالك ورقه منك
باسجلك انت الأول ورقمنك
وأكتب لافته محجوز اليه
-----
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه
-----
صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه

-----

وكَع كَلبي بغرامك مات شيله
وترى كَلبي التعذب مات شيله
اخابر وانت تسمع وماتشيله
وينك ياحلو بس رد علي
----
حبك بالضلــع بسمار منــدك
وحـس كلبي يسولف بيك من دك
كمت اركـــض عالنقال من دك
لان ادري العزيز اتصل بيه
-----
----
---
--
-